Tuesday, September 4, 2012

AAJ KE MUSALMAN MEIN KISKI CHAHAT, NABI SAWW KI YA ANGREZO KI? Part – 5 of 6.

AAJ KE MUSALMAN MEIN KISKI CHAHAT, NABI SAWW KI YA ANGREZO KI? Part – 5 of 6.

Musalmano ALLAH bula raha hai, wo sunne ko taiyyar hai, wo to kah chuka hai jo meri taraf ek balisht aayega main uski taraf 2 balisht aaunga lekin wo kehta main us zaban ki sununga jo jhooth se pak ho, gheebat se pak ho, main us dil ki sununga jo bughz, hasad aur keena se pak ho, jo Na-mehram ki muhabbat se pak ho, jo jism haram kamayi ka mintazir na ho, jo nazre kisi na-mehram ki talash mein na phirti ho, Wo ALLAH kah raha hai msualmano, wo ankhe lekar aao jo rat ko interenet par gandi filme na dekhti ho, wo ankhe lekar aao jo nange nach na dekhte hon, wo zabane lekar aao jo gali bakne mein sharm mehsoos karti ho, wo zabane lekar aao jo tijarat mein jhooth na bola karti hon, wo tijarti lekar aao jo naptol mein kami na karte ho, wo jism lekar aao musalmano jisme haram kamayi ke zarrat na jate ho, wo paisa kamane wale lekar aao jo sood ko ek gandigi samjhte hon. Sood khane wale ke liye sabse kam darje ka gunah apni maa se zina karne ke barabar hai.

Tum Sahaba R.A.A. ki zindigiyan utha kar dekho tumhari rooh, tumahre dil, tumahre khoon mein wo jazbat paida honge ki tumhe ibadat karne mein bhi lazzat mehsoos hogi, Hadhrat Bilal R.A. ko tapti ret par litaya jata tha aur upar se ek bharibharkam pathar rakh diya jata tha lekin unki zuban se AHAD AHAD AHAD AHAD ke alwa kuch nahi nikalta tha, aur ek aaj hum hai tamam tarah ki facilities humein muhaiyya hai, gharo mein A.C. lage hain, aur ab to Masjido mein bhi A.C. lage hain lekin phir bhi hum Namaz chhod diya karte hain, Jab Hadhrat Bilal R.A. ko shiddat ki pyas laga karti thi tab wo makka ke kuffar unke samne pani baha diya karte they lekin unhe pine nahi dete they lekin us Nabi ke mehboob sahaba ki zuban se sirf AHAD AHAD AHAD AHAD he nikla karta tha, aur hum khud ko dekhe thodi garmi hoti hai to hum roza chhod diya karte hain kahin pyas se mar na jaye. :’( kya munh dikahyenge hum Pyare Aqa ko, :’( kaun sa chehra lekar jayenge hauz-e-Qausar ka pani lene.


Ek Hadhrat Khabbab R.A. they jinhe kuffar-e-makka jalte huey sholo par lita diya karte they aur us waqt uthate they jab unke peeth se unki charbi aur khal gal gal kar aur jal jal kar niche girti thi aur sholey us charbi se bujh jaya karte they. :’( :’( :’( kahan hain hum musalmano, kahan hain, hum agar ghar par iron se bhi touch ho jate hain to hamari jaan nikal jati hai aur kaha ye ALLAH aur uske Rasool SAWW ke mehboob aur uske wali, kis tarah zindigiya bita kar chale gaye. Aur hum aaj kaun si zindigiya jee rahe hain, kis bat par fakhr kiya karte hain, kya sirf Kalma padh lena he musalman hone ke liye kafi hai, kisi ko paise par ghamand, kisi ko apni danishwari par ghamand, kisi ko apne amal par ghamand, kisi ko apni shakal par ghamand, kisi ko kisi cheez par aur kisi ko kisi cheez par. Jaan lo aur khoob achi tarah jaan lo ki ye tamam cheeze ALLAH ki nazar mein koi waqat nahi rakhti uski nazar mein agar kuch waqat rakhta hai to sirf Uske Ahkam, Uske Pyare Habeeb Muhammad-e-Arabi SAWW ki sunnate, uska DEEN aur hum logo ka taqwa.


Iska agla hissa agli post mein kiya jayega INSHAALLAH.

JAZAKALLAHU KHAIRAN KASEERAN KASEERAH…


Muhammad Raghib Khan
A Slave of ALLAH SWT.


Please Dua for me and for Whole Muslim Ummah.

No comments: